ان كنت تعشق للسفر

والله ما اداني للقشر... ياللي تقول اهوى القشر
الاقشر اللي كل ما هب الهوى ثار الغبار...
يالله تخارج .. كل عاقل يوم يطلب للخراج
 
 
 
إليا تمادى بك عمر ...اخذ العبر طول العمر
اهوال دنيانا تشيّب با لصغار وبا لكبار...
للضيق فارج .. والفرج في ساعة الضيق ابتهاج
 
 
الدّر بأعماق البحر ... بالرغم من هول البحر
وسط البحور المظلمه الدّر يحفظه المحار...
تلقا المخارج .. وسط موج البحر لو - الموج هاج
 
 
يوم اتحقق بالنظر... بقول تصوير النظر
بأنوار فالليل الدّجيّ وبالضوح في عز النهار...
شفت البوارج .. مع عباب البحر تعبر بإزدواج
 
 
وإن كنت تعشق للسفر... خمس الفوايد فالسفر
ترى الإمام الشافعي حدد فوايد بإختصار...
إسلك معارج .. للفيافي فالسفر لازم سراج
 
 
وان كنت تبحث عن مقر...لابد تلقى لك مقر
الله عطاك العقل والتدبير وإتخذ القرار...
الميّ مارج .. يفصله برزخ فراته والأجاج
 
 
غيّرت حرفي للعبر ... واخذت فالدنيا العبر
ياللي قريت الحرف دون الحرف لا تسدل ستار---
داخل وخارج.. ما اجتمع باطل وحقٍ في سياج
 
 
عبّرت بحروف الشعر ... ويا ما نصايح فالشعر
واللي لقا عندي غلط ينصح وعندي له وقار...
والقول دارج.. تُضرب الامثال يوم العرف تاج