ضربة جزاء - كديميس السيحاني

برشلونه يوم يلعب فن لعب الكوره
وبإحتراف الكبتن المغوار فاز النادي

والهجوم مع الدفاع الكل يتقن دوره
راس حربه في هجومه والوسط متقادي

راسه حربه خطته في لعبته مخبوره
ما يشوت الكوره الا لحارس ٍ وحادي

والدفاع مواصلٍ خط الوسط بسطوره
والوسط عنده يراوغ فالملاعب جادي

صار متكامل بفنه والفنون بحوره
لو إبغشه يكسب اللعبه "وطبعاعادي"

من دفاعه سُجلت ضربة جزاء محكوره
والحكم صفر وقال إن الخصيم إربادي

الحكم كنه مهدد حاد عن دستوره
او ميول للاعب النادي بدون قيادي

صفّق الجمهور للكبتن بدون شعوره
ماحسب لآخر خساراته وللنقادي

ويلعب الاعلام دوره يستشير بشوره
واتحاد الكوره المبهوت صار حيادي

الدعايه بنت شمطا لابسه تنوره
ضحكةٍ منها تعادل كفّة الامجادي

للواعيب الدعايات اصبحت منشوره
يرفعون اسهوم لاعب طاعهم منقادي

يمدحه ذاك الشهير اللى طفح بابوره
وافتخر بالمدح لو إنه بهيم وغادي

والمذيع اللي شوي وينفتق حنجوره
من خصوصي الرسايل زادت الاعدادي

كنه بحرب ٍ ضروس او شبه قايد ثوره
وقدم كل الناس ياحليله وطبعه هادي

والجماهير الغفيره كنها مخموره
ماتفرّق بين حق وباطل الافسادي

يكرهون اللاعب اللي تعشقه غندوره
خايفين ينافس المشهور واللي بادي

والثقه فالنفس تفرض دورها ماموره
كل لاعب واثقٍ في نفسه إله آعادي

ويوم رويال الشهير بداره المعموره
كل جمهوره وقف ضده وصار معادي

عالم من ينعرف له والكوّرمبتوره
شوت جلد وهات جلد وخلك الجلادي

ويوم فكر الشايب إيهوجس بكل عصوره
ماعليه خلاف لكن همه الاحفادي

والسلوم اللي منول " قاعده مكسوره"
اتبع الجمهور وش تبغى بسلم ٍ بادي

صرت اتابع لعبة الكوره وهي مشطوره
لين صغت حروف شعري في نهار اعيادي

وانصحه خط الوسط فالكفه المنحوره
كل لاعب لايصوّت للحكم وينادي

وياسمير وسامر وسمراء معَ سموره
صفقوا للاعب اللي يعجب الاسيادي

ويوم فالمرقاب عديت اكتب الاسطوره
مرضي القيفان صوته لج منه الوادي

آآه يا اسم الاندلس والاندلس مشهوره
ارثعوا فيها يهود الغرب والاوغادي

ويااتحادالكوره اللي بالفعل مدموره
غلطة الشاطر بعشره فرصة الصيادي

© 2024 - موقع الشعر