وصدق انا مثلك احبك - قهر يزيد

ما سمعت من السوالف غير ( احبك ) ثم غفيت
لو تعيد اللي تقوله كان ودك اسمعه

بس تدري ؟لا تعود الها مدام اني صحيت
او ترا مانتا بلاقي صاحب ٍتحكي معه

تنتهي كل السوالف وانت توّك مابديت
وابْتخليني شوية لعثمات مجمعة

وصدق انا مثلك احبك ، يمكن اكثر لو حكيت
بس لي خاطر أماطل في انتظارك وازرعه

قلبي يخفق بك ينادي كلما اسقيته ظميت
ماعرف وشلون يسلى وما قدرته اردعه

كنت الومه ، كنت اصده ، كنت ارده لاطريت
واثر منعي له - حبيبي - صار يمك يدفعه

كان يبدا بك حكايه كلما قلت انتهيت
كنت اغمض عن طريقك .. كيف شافك وتبعه ؟

احسِبَه ملكي واحسْبَه طوع امري لي بغيت
اثرني ملكه واطيعه لين امرني مسرعة

صدق احبك ياحبيبي ( سوّي كنك مادريت )
ما قدرت امنع فؤادي بس كلامي بمنعه !

© 2024 - موقع الشعر