انتهى الموضوع

(خلصنا وانتهى الموضوع )وقفّل دوني ابوابه
صدر حكمه بدون رجوع ، دون احساس يظلمني

وروّح ، يافداه الروح وعيني تمطر غيابه
وقلبي ينزفه وجروح تتوسلْه طمّني

تشابهنا جروح وبوح ، كثير اوقات نتشابه
كثير القاه في نفسي يعذبها ويسكنّي

كثير يحل بي طيفه ، كثير انهار لعتابه
كثير اشفق على لقياه الى من ضامني ظنّي

أغمّض عيني احلم فيه واصحي منه مرتابة
لأنه كلما اهديته فؤادي راح يطعنّي

اعاود واتهم نفسي واقول لظلمه اسبابه
انا استاهل ، أنا أخطيت ، ولكنه ولكنّي

تناسيت الجروح وقلت راح الامس وحسابه
حبيبي عاد لو يخطي مصيره يوم يفهمني

ولكن آآآآآآه من لكن وعين الظلم وانيابه
احاول اغفر جروحه مثل ماكنت ويمنعني