خبل وخبله...!!!!

قالت الصدق المراية وزعلت شوق الوزير
واعتفس ورنيشه اللي في شعرها لمعته

قام يخبط ويتهور لاجلها وماهو كثير
كم ضحك معها وياما نشفت له دمعته

جابها واثنى عليها ورمم الشرخ الكبير
ولا قريت شخوطها لاقيت فيها بصمته

حبة فوق وحبة تحت .. وشي كفيف وشي بصير
ماعرف هالقدر يغلي .. شاركوها طبخته

غارت الخبلة وجرت خبلها بسلك الحرير
ضيّع سلوم القبايل والمراجل كبّته

جاب قاصيه وتعفر بالتراب وبالشعير
صدق ياشين انخداعك لين طالت مدته

القزم لا من ظهر والشمس من غربه تصير
شفت في ظله زيادة واختلفت في حسبته

الشعر نبض ومشاعر يا صغيرة و ياصغير
الشعر ميراث الامة ماهو روج وشفته

يامريضة .. يشفي الله جرحك الساطي الخطير
ادعي ربك يالصغيرة يرفع الله بلوته