اسهرني الهوجاس

انا البارحه مانمت واسهرني الهوجاس"
"تخاصمت انا والنوم من ضيقة البالي

ورجلٍ همومه تزعجه00 وين يجيه إنعاس"
"عسالله يعين العين تصبر على الفالي

سبايب وليفٍ شبحة اعيونه النٌعاس"
"تخلي فطين القلب من فطنته خالي

وياصاحبي لاتجرح القلب وهو حساس"
"لاتقضي على حالي معك يابعد حالي

علامك تصدق في غيابي كلام الناس"
"وانا قد حلفت وقلت من غيرك الغالي

اجنبك منهم وانت كنك عديم احساس"
"تراك اول الخلان في قلبي والتالي

انا شفت من فرقاك شيٍ يشيب الراس"
"دخيلك ترفق بي ترا البعد قتالي

يجيني خيالك كلما ذعذع النسناس"
"واسولف معه والقلب في لاهب الصالي

اجامل كثير الخلق ولوخاطري منحاس"
"وانا خايفٍ منهم لايدرون باحوالي

ولولا الحيا والخوف من هرجة البلاس"
"لنادي عليك مطوٌح الصوت بالعالي

بساتين قلبي من سبب هجركم يبٌاس"
"وقف سيلها من عقب ماكان سيٌالي

حياةٍ عواقبها تخلي قوي الباس"
"يهل العباير يوم وقت الهجر طالي

مدامك كذا00تطوي حبال الرجاء بالياس"
"علي الحرام إن قد تسوق الثمن غالي