لا تجي يوم عرسي!! - فيصل المريسي

البارحه جيت ادور فيك نفسي
جيتك ادورني بداخل كيانك

جيتك بقايا صبح ليلي وامسي
وانته بقلبي ماتغير مكانك

وانا عشانك راضي بحر شمسي
علك تخفف جور قسوة زمانك

مانته ملاحظ شئ شكلي ولبسي
ولا خلاص ماعد لي من حنانك

ليه انت متغير وليه صرت عكسي
كل ما اقول الوقت ينهك حصانك

وتعود مثل اول عاشق رومانسي
تزداد قسوة والتصاق بجنانك

ياخي كفايه بس دمرت حسي
ماهو بكافي بعت نفسي عشانك

تبغى تسجلني بدنياك منسي
خلني بشاني وانت رح لك وشانك

واخر كلامي عيش لحظات امسي
واسمع كلامي لا تسكر اذانك

تبغى الصراحه لا تجي يوم عرسي
لن زفتي في قصر داخل كيانك

© 2024 - موقع الشعر