عيار 21 - فيصل الرياحي
قالت هو الشعر يعني هالجمل والسطورتبيني أقراه وأطلق للخيال العنانولاّ الوزن والقوافي وإختلاف البحورقلي وش الشعر ، هل يحتاج له ترجمانقلت الله الله يانورٍ مايباهيه نورياشمس حبي ، يابهجة خاطري والمكانالشعر ياخذ من عيونك معان السروروله من شفايفك لون الورد والأرجوانلك حق ياخذك تيار الدلع والغرورياليل ياعين ، ياديباج ياخيزرانالشعر عشب المشاعر وإنبثاق الشعورأو همزة الوصل بين المفرده واللسانالشعر خيطٍ يبشر بالصباح الطيوريربط سكون الوجود بنقطة العنفوانالشعر طيفٍ مسافر في خيال العصورعبر أمسياتٍ نفسها المسك والزعفرانالشعر له في قضايا مجتمعنا حضورالشعر تاج الأدب , والشعر سحر البيانيامن عليها براكين الضماير تثورشوق ومحبه وتقدير وغلا وإمتحانماهوب عذروب لو تخفاك بعض الأمورأنتي كذا كامله في عيني ، أنتي جنانيازهرة الياسمين ، فداك كل الزهورياعطر فواح ، ممزوجٍ بلطف وحنانليا شفتك أعيش في دنياي جو الحبوروأنسى جميع الهموم ومشكلات الزمانأعبر معي وأعطني وأعطيك سر العبوريدي على يدك والميعاد بر الأمانسيطر على القلب وإصنع من ضلوعي جسورعزالله إنك بلا منه كسبت الرهانو وفاك وإخلاصك وصدقك جواز المرورمن عالم ألاّ وجود ، الى وجود الكيانبنيت فالقلب قصرٍ فاق كل القصورأكبر من اللي يداوم فيه كوفي عنانالفرق بينك وبين مهيضات الصدورفرق الثرى والثريا ، يالله المستعانياللي تقول العباد عيال تسعة شهورفكر شويه ، تشوف الفرق بين الخوانتبور بعض المعادن والذهب مايبورعيار واحد وعشرين وعليه الضمان
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.