وديان فرقاه

سر يا شعر واغرس غرام بعيونه
ذاك الحبيب اللي خذا الفكر ويّاه

اسأل عن اخباره وقلّه بدونه
ضاق الصّدر والعين بالحيل تبغاه

قلّه أباه... ابغي ألامس جفونه
أبغي مشاعر قلب (مفعال) تلفاه

ترسي على حضن الحشا في ركونه
ويضمّ مع شوقي عناقيد سلواه

قلّه يصون الحبّ... قلبي يصونه
واجعل من قليبي على طول سكناه

أنسى الحزن واسبح على شطّ هونه
واضمّ عينه وسط عيني مع بجاه

ألقى الفَرح فالقلب تزهر غصونه
عصفور غصن الشّوق ..يسعد بلقياه

والغيم يمطر فرحتن من مزونه
تروي صحاري البعد...( وديان فرقاه)