كاس الشوق

لـ فهد معتوق، ، في غير مُحدد

كاس الشوق - فهد معتوق

بقايا سكرة البارح خذتني لدارك و جيتك
وقف قلبي على بابك و عيني تنظر الشباك

ما بين الوعي و اللا وعي بليا خوف ناديتك
انا صاحي و متوازن .. اشوفك جنبي .. بس هناك !!

اشوف اثنين .. من طيفك .. و اشوف اثنين .. من بيتك !
و اشوف اثنين .. من نفسي .. و قلب ٍ ( واحد ٍ ) يهواك

ترى كل شي يصير اثنين لامنّي تعاطيتك
إلا قلبي لو يقدر .. تشوفه مبطي ٍ خلاك

انا اسف اذا ازعجتك .. او من حضنه صحيتك
و لكن ما علي شرهه .. لأني جيت بدون إدراك

شربت الشوق من كاس الليالي يوم حبيتك
و احس من سكرة البارح بأنك جنبي .. بس هناك !

© 2024 - موقع الشعر