يا هل الشرق مرّوا بي على القيصريّه

لـ فهد راشد بورسلي، ، في غير مُحدد، آخر تحديث

يا هل الشرق مرّوا بي على القيصريّه - فهد راشد بورسلي

يا هل الشرق مرّوا بي على القيصريّه
عضدوا لي وتلقون الاجر والثوابي

واطلبوا دختر العشّاق يكشف عليّه
كود يمسح على قلبي ويبري صوابي

يا غريبٍ لفانا من ديارٍ مديّه
الغريب الهَلَهْ وانا على العذابي

كود يرفى جروحٍ بالضماير خفيّه
من رفا جرح مسلم فاز يوم الحسابي

وهّقوني بعرفه ناقلين الخطيّه
مثل ما وهّق العطشان ضوح السرابي

في عيونه سحر هاروت دمث الشفيّه
سحرونى وانا بيني وبينه حجابي

اتحرّى مراحه واتحرّى مجيّه
واستخيل البروق اللي بليّا سحابي

© 2024 - موقع الشعر