فاهمني بالغلط - فهد الغبين

الخوي اللي من العام ما لاحت اركابه
الليالي جرهديه من سواته جرهديه

من يطق الباب والله حالف لطق بابه
لين اخليهاحميه تدهر غل وحميه

والذنوب الاربعه صكت على الخامس صوابه
واستوت سود الوجيه بلعبه الشعر وخويه

وين عالي وين عالي يابن عمي يالقرابه
انت يانسل الرجال الشعر ياقف لك هنيه

يابن عمي يابن عمي راح خفاقي طلااابه
دون ذيك ودون ذيك ودون ذي ودون ذيه

الهنوف اللي سبتني بنت شيخ وبنت لابه
لعنبوها لعنبوهاا مالها حتى سميه

كنها بدر تبدا من شقق نوا السحابه
تستخير القوم مكسب بالعيون الناعسيه

لعوزتني بالقصيد ولعوزتني بالصبابه
كل ما بديت بيت جابت اخوه لي هديه

قلت يابنت الحلال الشعر ملعون جنابه
من عرفته والخفوق يلاطم اجيال شقيه

يوم قالت لي تراني وارد التيه وهضابه
ماني بصياد يرقب صيدته حزه عشيه

قلت الاعبها على طرق الطروق اللي تشابه
وابتديت وعدت اببدا بالبدايه والبديه

قلت هد الهوي اللي هده اهداد النهابه
هد من هد بهواده وهتوا هده هديه

يا موردني ورود لو وردها الورد رابه
مايريبه من مريب كل ماراب البريه

ويامعذبني عذاب من عذاب اللي عذابه
من عذابه عذب اللي عارف العرفه عذيه

والورق لامن عرق يرق مرقاب الرقابه
رق من يرقى رقيا مارقى الا في رقيه

قالت انت اشفيك قلي وش سبايب هالطلابه
يمكن انك فهمني بالغلط وش بك عليه

قلت يابنت الحرام القلب لا من فك بابه
اطلعي يلعن ابوي ان قلت لك ردي شويه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر