أمس.. هلت عباري من محاجر عيوني

أمس.. هلت عباري من محاجر عيوني
خايف.. من محاتا الذم.. والنفس حية

خايف من حكايا الناس.. ما يرحموني
والله المطلع.. علام.. ما كان فيه

هيه.. يالربع.. دنوا.. كلكم.. واسمعوني
جعل من سمعني.. يسمع شفاعة نبيه

يا نويتوا.. بجر اخرابكم.. انشدوني
واسمعوا قيل ابن جافوريا يا اهل البغية

راقد في منامي.. هاجعات شطوني
لين جاني.. لطيف الروح صافي الثنية

قال: وش هالمغيبة يا مضنة عيوني ؟
قلت: للغوص جعل الكل يرجع بغيه

جعل يرجع بنا.. منشى سحاب المزوني
جعل كل يجي من عقب الارماس حيه

ذاهبين الحمايل.. بالخشب.. ولعوني
لينهم وهقوني.. في البرح.. هالسويه

لا جناح يطير.. ولا طروش.. يجوني
ولا برور قريب.. والسباحة.. ردية

أشهد أنه عدو.. الي بصوبه.. هدوني
آه.. يا قيضة.. راحت فوات عليه

مسكني كل عام.. وشوف نجل العيوني
لين غابوا.. عن الخفرات.. جلي رعية

كان قزرت هالطرشة.. ترى هي ظنوني
بس ..ا ينوخذاي.. ابعد عن البر.. فيه

كان جينا زيا البر.. عنه احفظوني
عقب رزق الغبيب.. تصير نفس ردية

يوم ابرق.. وافكر.. في عوالي متوني
مسلب جلدها.. من مرة الغوص فيه

طابت النفس.. ألا يا نوخذا حولوني
حضب النفس . من شوف الزيارة عنية

يا وصلت الزيارة.. صرتي.. ناوشوني
شايم.. شومة الضلع الحمر عن طمية

خالق النفس حي.. دايم.. ما يخوني
معني.. في قليل المال.. وأهل الشويه

في وسيع الفياحي ما تجيني شطوني
وفي المكان الكسيف تضيق نفسي عليه

يوم تمت.. ذكرت الله.. باتلا لحوني
هللوا.. كلكم.. والكل.. يذكر نبيه

ذكرت باوله.. واتلاه.. منشي المزوني
خالق النفس.. علام الأمور الخفية