يالله سألناك غيثك كان به خيره
ياعالم للغيوب ومالنا ناوي
تسقي ثرى مملكتنا من شخاتيره
من مدلهم بهيم دامس ضاوي
كنه تثور المدافع من مناحيره
يسري على ضو برقه تايه داوي
هجا غشينه وساكنتن معاصيره
خمسة عشر يوم شمسه ليلها ضاوي
من سايله كل درب واقف سيره
حت اختبى فالمغاره ذيبها العاوي
ضاف على البيد يعجز عنه تعبيره
يجرف هميد الشجر وينشط الخاوي
لين الصحارى تلبس من نواويره
لاهب ريحه يميل الورد متساوي
على جمال الطبيعه شادي طيره
ريح الندى مع صباحه يبكي الهاوي
بينه ترازم مجاهيم ومغاتيره
نجديتن وسمها روقي وبرقاوي
جنات روضه تساير به مشاهيره
ذباحة الحيل معهم يربح الشاوي
يالله برحمتك تعجيله وتأخيره
يامالك الملك يسر مالنا ناوي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.