لو تنصفط لي

لو تنصفط لي جان بالرّوح بشريك
وعندي أنا يحرم على الغير سومك

يا فرحة المضيوم من هو يباهيك
معنا وفي الدّنيا قليله إو قومك

إرفق ولا تجسي على من يلبّيك
فالعمر كلّه واقفٍ في لزومك

بخصتني وانته قبل باخصٍ فيك
ذاك الحبيب اللّي تنقّل وثومك

يا سلوتي لي في العمر هوب ناسيك
تعال جاسمني عظايم همومك

بتحمّله واللّي على النّوّ يعنيك
باتنقله عنّي قوايا عزومك

قل لي عسى لي دوم حبل الرّجا فيك
إش استفاد اللّي بعذله يلومك؟

ليته على امّابي ومابك مخلّيك
لاسباب ماساوت علومه علومك

حلّفتني وانا يمين الله أعطيك
ما غيّرت شرعي هوى عن ولومك

أفرح يلي شفت الفرح في تباديك
ويطيب نوم العين لي طاب نومك

وانا على ذري النّسانيس بهديك
يا من تجدّذ في ضميري رسومك

سلام تحمله الصّبا يوم بتجيك
منّي وتضحك له زواهر نجومك