ربع الرخا

هذا أنا ما تغير شي في حالي
عانيت كل الشقا في كيفه وكفه

مثل الجبل ثابت ومثل السما عالي
لو كان جسمي نشف من حسرتي دمه

يا ويل من ينشغل باله مثل بالي
بعيد عن لابته عن خاله وعمه

بعيد عني ولا يدرون بأحوالي
خاب الذي ينتخي وربعه مهم يمه

لا احتجت محد مثل عمي ولا خالي
لاخيت الوقت ظني علوا الهمه

هم من نفعني ورفعني أول وتالي
ولا خوي الرخا لو طحت ما همه

ربع الرخا..لك مدام أن خاطرك سالي
وأن عزتهم بينوا لك كلهم خمه"

يا عل برق سنا نوره تراوالي
يسقى ديار بها الخلان ملتمه

لا خير فيمن رخص في عينه الغالي
أولا لقى له بديل عافه وذمه

الفكر ما هو وأنا في غربتي خالي
والروح باللي يجيب العلم مهمته

عانيت مر الدهر ما شفت به حالي
لامن وعدني بخير راح ماتمه

لكن على الوقت ما علقت أمالي
ولا تأثرت من همه ولا غنه

منكم تعلمت كيف الوقت يصفا لي
اسعى بروح تجي المقصود وتلفه

منكم تعلمت كيف الحق يبقى لي
اخذه لو كان دونه فزعه ولمه

بالابتى مبتعد عنكم بمنزالي
جسمي وأما الخفوق ترابكم ضمه