لي عزه

بيديك تقدر توكني وتغربني
بيدك تقدر تموتني وتحييني

وأنت الأمل فيك من نفسك تقربني
ما هو الأمل فيك في فقدك تعزيني

أدري النهاية بدايتها تحاسبني
في كل زله ولا تقبل براهيني

في كل لحظه تحاسبني تعذبني
خايف تفجر براكين الحزن فيني

من عقب ما كنت بالفرحة تصلاحبني
ومن عقب ما كنت في همي تواسيني

أصبحت تبدي أمور فيك تتعبني
وأصبحت تخفي أمور فيك تغريني

والمشكله كل عيب فيك يعجبني
والمشكله كل ما تبديه يرضيني

أشد قلبي ولك الأشواق تجذبني
وارجع لك بشوق تسبق خطوتي عيني

والوم نفسي لو أنك ما تعاتبني
لا حالت ظروف ما بينك وما بيني

حيرتني لا أنت بالفرقا تطالبني
ولا أنت راضي على العشره تصافيني

صحيح حبك ولو صديت غالبني
وعندي وفا لو نويت البعد يثنيني

لكن إذا عفت لي عزه تحاربني
ترفض شعوري ولو تنشف شراييني

تموت من كاس ذلك ما تشربني
وأموت ما شفت دمعة شوق في عيني