معاك انتهى صبري وعمري قضى بوعود
ولا شفت منك الود رغم الوفا بادي
تأملني بشوفك وأظن الأمل مفقود
مدام البطا عندك ولو للأبد عادي
تعذر لي بظروفك تقول الصبر محمود
وجو الظروف أعرفه أهدى من الهادي
تعاند وأنا شوقي لشوقك بليا حدود
على شان شوقي مات في نفسي عنادي
تحيرت في طبعك...مدام الغلا موجود
علامك تعذبني ولا تنوي اسعادي
أوقف على درب الوهم في يديني ورود
وكلي أمل اسمعك في لحظة تنادي
وأعيش الشقا كله وأنا بالفرح موعود
ويمضي العمر مانلت شي من مرادي
ترفق ترى الأيام صارت بدونك سود
عسى العمر ما يفنى قبل وقت ميعادي
قريب المكان ومنت غايب وأبيك تعود
ولكنك ما يفنى قبل وقت ميعادي
سمعت اني في حبك من اللي جهل محسود
أنا اللي حسدت بلوعتي فيك حسادي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.