عام جديد

حرت شاللي أهديك في مطلع العام الجديد
والهدايا بالثمن كلها عندك تهون

لو بغيت أهديك كلمه عجز فيك القصيد
القصايد لو توصف بعض حسنك تخون

أو بغيت أهديك ورده لمثلك ما تفيد
تخجل الورده وتذبل من الطرف الفتون

راحت أيامي معك كل يوم فيه عيد
فرحتي في همستك في لقا سود العيون

لاتزيد الحب بالك عل قلبي تزيد
خايف تكون النهاية على درب الجنون

يا حبيبي ولا تباعد عن عيوني بعيد
خايف أن الشوق يطغى على القلب الحنون

بالوفا يطغى هوانا على الوقت العنيد
بالوفا تبقى السعادة لنا مهما يكون