صدفة

الصدفة يمكن خير من ألف ميعاد
لكن معك تسوى ألوف المواعيد

من ناظرك عمره من أعياد لأعياد
كل ثانية في شوفتك تعتبر عيد

كل الحسن مهما تمادى له أبعاد
وأنتي تمادى فيك من دون تحديد

أنتي الحسن لو شاف عينك لك أنقاد
وشلون لو شاف التقاطيع والجيد

طاغي جمالك صار للعشق ميلاد
في قلب ما يهتز من شوفة الغيد

إحساسي الغايب عقب شوفتك عاد
لاشك ياليته بقى عني بعيد

في نظرتك رحمه وفي قلبك إلحاد
ما يرحم العاشق ولو هام في البيد

شوفك كفايه لو غشى فكرك عناد
والحظ يخطى مره ومره يصيد

صدفه عساها تعود ثاني بميعاد
حيث أنها تسوى ألوف المواعيد