ليا هبت هبوب الود ومالـت وردة النيبـوت - غير معروف

قصيدة الشاعر بدر بن شامان الشيب المطيري
ليا هاض الضمير وقمت ابني للقصيد بيوت

بيوتٍ تاتضيع أهل القصايد في مناكبها
ياكود الشاعر اللي نظم شعره كنه الياقوت

سواة الكسر يومنه يرتبها ويكتبها
وأنا بشكي عليه الحال قدام الزمان يفوت

قبل لا احارب الغفوات وعيوني تحاربها
أنا لي وقت يافاروق أبين صوت وأخفي صوت

أتابع نايحات الورق وتغني وأجاوبها
على روس الغصون اللي تهزع والورق محتوت

ضربها عاصفة وأظن جور الناس مذهبها
حبايل هالزمن تلعب بقلبي لعبة البيلوت

وتولعت بغرام اللي تناسبني واناسبها
هنوفٍ شكلها معدوم من صنعا ليا بيروت

سحرني جسمها والسحر الأخر في حواجبها
لها عين ٍ ليا أغضت بالنظر ترسل سهوم الموت

وخد ٍ فالدجا براقة ٍ هلت سحايبها
شفايفها طوارفها تقول مخضبة بالتوت

وردف والصدر والنكبة ليا فلت ذوايبها
وأحليها بوضحاً يوم راعيها يجر الصوت

تحن وترمي النظرات للقعدة وراكبها
غلاها فالخفوق وفي معاليق الحشا منحوت

على قمة غرام ٍ نفحة الغربي تداعبها
طبعت لها على قلبي مواثيق وعهد وكروت

كروت ٍ تحمل الأسرار حاضرها وغايبها
وحياة اللي خلق موج البحور وحط فيه الحوت

لو انه شافها (شاعر هوازن) مايسيبها
وأظن اللعب لو فيه أربع اميه ناتجه كبوت

لكن الناس قردة سهرت العاشق تخربها
المردود على بدر

ليا هبت هبوب الود ومالت وردة النيبوت
تعالي يالمشاعر وارقصي لي مع هبايبها

تعالي غطرفي لي وأقبلي للموعد الموقوت
تعالي من زلال أحلى بحور الشعر وأعذبها

نبي نحاول نجار اللي يخل الصاخبين سكوت
أديب ٍ يصخر عياب المعاني لين يدبها

يلوح لفوح صدره لاتهامل فوق لهق النوت
شعاع ٍ يسكن الأفاق مشرقها ومغربها

تشكوالي وباح اللي بوسط القلب والتابوت
وخلى الطير مسباقه على ساقه وطاربها

يقول اللي دجاها في سماه البارق له سموت
وهفهاف الهوى لاهب يابو زيد مال بها

هنوف حطت لقلبك على ورك الذلول سبوت
وعنك أقفت تراقل شوقها للبعد يشعبها

تداعا مع نسيم ٍ هب روض ٍ فيه خضر نبوت
عليه الصيف يردم عقب ماهلت عقاربها

بهاك الدرة المندورة اللي من سبا لجالوت
وأنا مدري وشنهم قومها مير ألف نعم بها

وألا يابدر بن شامان والله مايفوت الفوت
علي إنك لتبشر بالهنوف اللي تناسبها

أبفزع لك يابن شامان قبل تروح قبل تفوت
وإلا شبت شبايبها ترى بن الشيب شايبها

أخذ علم ٍ على وضح النقا يامسندي مثبوت
وترى الدنيا ديون ومن يداينها يدان بها

وعلى قولك قلوب الناس فيها الحاسد الشاموت
وفيها اللي يقول أعلك أندى الناس وأطيبها

وترى رمح الغرام اللي ذكرته مضربه مفلوت
لوانه صابها اللي صابكم يابدر فزت بها

ولو إنك تحلى في عقاب وقصته مع نوت
تعرف إن المحبة من سبايبها سبايبها

© 2024 - موقع الشعر