هبت ذعاذيع الشعر هبت النود

لـ خليف الوهيداني، ، في الحكمه والنصح، آخر تحديث

هبت ذعاذيع الشعر هبت النود - خليف الوهيداني

هبت ذعاذيع الشعر هبت النود
وسترسلت من كل صوب ونحيه

نشتً مناش المزن في برق ورعود
وستبشرت فيها ديارن سنيه

ويالله عسا يارب ماني بامقرود
وستغفرك من كل ذنب وخطيه

والله يالولا سجت الجيب ياحمود
لارضن عن العالم بعيد وخليه

لاضيق ضيقن ماله قياس حدود
ومسي للوعات اليالي ضحيه

لو ان مالي من مشاوري الفود
الا الخساره كل روحه وجيه

ولاني على كثر المشاوير محدود
اللي تصرف كل مافي يديه

بس اتوسع والعمر غيض ولهود
وساير النفس العنيد الشقيه

والعمر لوهو طال بالجل موعود
ولاحدن محصن من سهوم المنيه

ناسن يجيها الموت هجاع ورقود
وناسن تجيها امراض قبله عصيه

والرزق لو له عند خلق الله اقيود
ماشفت في دنياك ناسن غنيه

يالله برزقن منك ماهو بمحدود
رزقن منك يارب مكتوب ليه

مافيه لامنه ولا دين وقصود
عطيت لي من جزيل العطية

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر