مدرج افلاك - عواض معيض الخديدي

يالله يا للي كلنا بالتزامه
يا مدرج افلاك الليالي والايام

يا خالق جنة ونار وقيامه
واعلمتنا بحساب الاشهر والاعوام

وبعث محمد صحو بعد الغمامه
ونور بنور الحق من بعد الاظلام

أطاع للرحمن وابلغ كلامه
ونشر كتابه في العروبة والاعجام

بلغ وبرهن بالرسالة قيامه
لا هل اليمن والغرب والشرق والشام

وطمس ظلام الجهل واهل الزعامه
وحطم قرون الكفر عباد الا صنام

جاهد وناضل وكل خير اقامه
واحيا المشاعر لين تمت للاسلام

وبدر الكبيرة للمعارك علامه
مات الجهل فيها ومنها البخت قام

واصحابه اللي من وراه وأمامه
يحمون شرع الله بحد الحسام

أسس طريق الدين واوضح نظامه
ولا بقي عذر لملحد وكافر وظلام

واليوم كل قام يطلق خطامه
ويمد في حبل الخطايا با لا قلام

ودستورنا بالشرع والا ستقامه
ما فيه لف و الا تقاليد واوهام

بين حلاله للبشر من حرامه
من غير ما نسمع تشاريع هدام

الدين له عز وحدود وكرامه
واجب نعززها كما اسلاف قدام

اللي حموها بالشرف والشهامه
أرواحهم راحت على ضوها اعدام

واليوم يالله في العفو والسلامه
قلوبنا راحت عن الدعوة اقسام

يارب عبدك تاب تحسن ختامه
تجعله في الفردوس مع خير الاعلام

© 2024 - موقع الشعر