يــاحـي يــاقيــوم - عواض معيض الخديدي

يالله يا سامك سماها بلا عمد
ياحي ياقيوم يافرد ياصمد

ياواحدٍ ما غيرك اقصد ولا اعتمد
يامطلع في سر عبدك ونجواه

نهار ما ينفع بنا آدم هقاويه
واهله وربعه لا ندرق عذروا فيه

واللي عمل به في حياته ملاقيه
اللي عمل به مشتهر واللي اخفاه

يارب تنجي والديه من النار
وتدخلهم الجنة مع الحور الابرار

يا مطلع غيب الضماير والاسرار
تعلم بسر العبد جهره ومخفاه

يارب لا تجعل رجانا يخيبي
ياللي فرجك من الخطايا قريبي

اوعدتنا ندعوك وانت المجيبي
ما تخلف الميعاد لا شك نلقاه

في يوم ما تنفع لساني يديه
وجوارحي بالحق تشهد عليه

واللوح فيه الباديه واللي خفيه
جميع ما نفعل في اللوح نلقاه

يارب عبدك معترف بانتقاده
و ان درقه عينك على كل راده

لا تشكله طرفة نظر لا جتهاده
وانت الذي تكشف عن العبد بلواه

زل اللسان وزلت العين منا
و لا لنا قدرة على اللي حملنا

نرجوك يا معبود تمحيه عنا
رحمتك وسعت كل شي وانت مولاه

يارب خلقك للعفو منك يرجون
ياللي نصر موسى واذليت فرعون

ومن البحر و الحوت نجيت ذا النون
ومحمد المختار بالصدق سماه

© 2024 - موقع الشعر