مدح الأميرعبد العزيز بن سعود بن محمد

لك يابو راشد يوم أنا اليوم حرّرت
يا سيدي من خافقي جملة أبيات

أكذب عليك إن قلت ماني تأثّرت
من نظرتي كسّاب سبعٍ عظيمات

دين كرم وإخلاص والبر ناظرت
برّه بوه وستر رملٍ عفيفات

وشجاعةٍ وأدب رفيعٍ إن حاورت
هاذي خصال سعود بشهود واثبات

واليوم هذا العيد يوم أنت قرّرت
نشوف ونعايد سليل البطولات

شفته وعايدته وفرحت وتذكرّت
فرحت في شوفه وعرفه ونظرات

وذكرت نشاط ولكن تكدرّت
يومه على كرسي بعد كل ما فات

لكن ما دامك له ملازم قد أعذرت
في كل شيٍ يبعدك عنه بالذّات

هذا يسر القلوب جودٍ ولا أنكرت
جودك ولك بالجود صوله وجولات

ومن الحديث أنا لك اليوم بشّرت
شخصك لعل أيام عمرك مسرّات

أبشّرك بالخير لك فيه كرّرت
بشراي وأرجي لك معزّه فرحات

ومعنى الحديث اللي ماله يوم زوّرت
بالوالدين البر جنيه حسنات

من ما بقلبي يا أبيض الوجه عبرّت
بأبيات شعرٍ واحترام وتحيات