تبقى

تبقى ملك صدري واعيش بطاعتك
شفني لك أقرب شخص في حاشيّتك

وأنا وقلبي وألغرام أتباعتك
حسّناك وصلي ..وألتجافي سيّتك

ياكثر ياهوش ألغلا فرّاعتك
لوماني بذنبك فأنا ضحيّتك

إزهل علي مفهومك وقناعتك
وعليك أبزهل عطفك وحنيّتك

جبّيتني وصلك قضى قطاعتك
وصرفت دينارينك وروبيّتك

وبثّيتني موجات عبر إذاعتك
أيجابك أضّفى رونق لسلّبيّتك

وأذهلّتني في فنك وبراعتك
مُعّجب بمزحك واحترم جدّيّتك

طمّنتني 00ألله يخفّف راعتك
ساعة شِربت ألوعد من خمّريّتك

بطّل مُحبّينك ووقّف ساعتك
ولاتنتظر ردي على هديّتك

ما يكفي اني ميّتٍ بشياعتك
(شيعة) جروحك في غلا (سنّيّتك)

هبيت فيني ضيعةٍ بضياعتك
وحبّك معيّد بي وأنا عيديّتك

زودٍ على جمالك وسناعتك
وزودٍ على طيب أصّلك وربيّتك

ماجابني حُب أهّلك وجماعتك
إلا تسلّطن راسك وحميّتك !!

تضيق بي واركض على وساعتك
لعلّي أغنم بعض من حُرّيتك

إن غبت داعيت ألجروح وداعتك
ولاصرت أحبك وش لي بدعيّتك

وإن عدّمت زبنت خوف قضاعتك
في وجه صبرٍ يحتمِل جريّتك

ياقلب جمّلني وهاك اوداعتك
ألدمع أمانه 00وألبكاء وصيّتك

ألربع(قُل) وبنت بقعاء صاعتك
حتى خذيت امن ألوجع (حذيّتك)

وأقّليّلين ألمعرفه لاباعتك
لاينطفي جمرك تحت برّيّتك

ياكثّرهم كُثّراه في شباعتك
وياقلّهم قلاّه في زريّتك

واذا أسّتوى خُسّرانك وطماعتك
قلت (إمس) ياراسي تحت كوفيّتك !