لوحه

لـ عقاب الربع، ، في غير مُحدد

لوحه - عقاب الربع

تطيح في بوحك عليّ تْغَبِيشه
‍كبير .. هم .. و .. ولا صغرت بلقافه

صوتك ولاهو صوت من كنت اعيشه
‍يسيل بردٍ ما تلحف لحافه

يانبرة طويرٍ تمذرى بريشه
‍والصبح معلنها : مواسم صلافه

يرق؟ يذبح .. يلعن آبو حريشه
‍به شي يغريني كثير واخافه

كنه يلوم من التعب هالمعيشه
‍متبهذلٍ .. حتى سكوته : كلافه

وش فيك؟ ياورد الشمال وطشيشه
‍اقراك حزنٍ غارقٍ في حوافه

حلمك كبير وفاقدينه غويشه
‍يشبه لحلم اجدادهم بالرصافه

قل للهبايب لانشدت هالدريشه
‍صدفة قلم .. ماتابها باعترافه

طل منها واصرخ : لحلمك وطيشه
‍اما يجي والا فدتك الحسافه

وليا زهقت ولك عيونٍ طويشه
‍شوف السما لوحه وطِيْش بلطافه

وخذ في خيالك نبضنا الحين ريشه
‍وارسم لنا نهرٍ نلوذ بضفافه

يشعر بنا .. و .. اذا المراكب خريشه
‍خْلَنا اجل في هالصحيح وجفافه

نقسم فتات الحلم خبز ونعيشه
‍(الحب كافر) والمسافه مسافه

© 2023 - موقع الشعر