الحمد لله عـ السلامه

لو جاك هذا الشعر يتودد رضاك
لا تحسبين اللي كْتُبَه واحدٍ حي

وانا اعيش ايام بعدك وفرقاك
احس ب.اية شي عقبك ولا شي

انتي ورب البيت شوفك ولقياك
‍طهرِ خلقه الله لمطارد الغي

كن الشمال(خْلُو) من يوم ممشاك
وكن فالرياض اليوم يرقد نسل طي

تعالي وشوفيني الله لا يبلاك
ناشف من الاهات .. مبتل بالكي

قومي من المشفى أب آعيش وياك
تجمعت بي خرمسٍ مابها ظي

كل من نشدني : (ياولد وين دنياك ؟)
يجاوبه صمتٍ طوى ضحكتي طي

مشاهدة عمري ب.طلة محياك
تنسيني سنين فقدت لذّة الفي

يا اغلى من الانفاس ياجعلني فْدَاك
وآشيل عنك اوجاعك .. و .. تنكتب لي

ودي ارتب لك حديثي ب.حيّاك
وانتي ( بلاحيّاك ) متبعثره بي

تكفين قومي ياعيوني أب.احياك
وآموت بك حتى اشعر اني انا حي