قصيده موجهة لـ ضيف الله بن سويلم وتراحيب بن سويلم

ياأهل الونيت اللي يهيض اِشتغاله
كنًه يعزف ألحان صوت المكينه

أوتار فنان العرب في احتفاله
في مهرجان الصيف ومنظمينه

جديد توه والجميح الوكاله
وكالتن من مصنعه ضامنينه

ليا تحرك والطريق أستواله
هملول صيفٍ قام يمطر غشينه

يطوي الصحاري والعتش والسهاله
وأسبق من اللي فاردن منكبينه

ريضو شوي اِخذو جديد الرساله
دام أن وجهتكم تبون المدينه

جوار مسجد من مشى بالعداله
تلقون منزل طيبين الضغينه

عوازمٍ غير الحميا شكاله
الطيب ورث جدودهم وارثينه

ردو سلامي عد ماأمطر خياله
على الثنين اهل العقول الرزينه

خص الأخوان أهل الوفاوالجماله
بزكى سلام يمهم مرسلينه

ياحي ضيف الله وياحي فاله
وياحي ابو ناصر عضيده عوينه

الشعر لا طري وجابو مجاله
شعار يبنون البيوت الثمينه

شامو عن الهين ورامو جزاله
وأن قدموه انصت معه سامعينه

على النقا مافيه كذب وحياله
كنه علاج لكل نفس حزينه

ودي بهم مير الزمن وأنشغاله
والوقت عيت لا تسانع سنينه

ضيف الله انشد عنه وأرغب وصاله
واسمع من اشعاره من الجزل عينه

وعقب ابو ناصر خصني باتصاله
ياكبر معروفه وياكثر دينه

أجيه وأزوره وأشاهد عياله
وأناقشه عن علم بيني وبينه

وعدٍ عطاه اللي لحايل عنى له
أيام كانو بالعمل مشغلينه

وأن كان حاول عذر عندي دلاله
أجاب للدعوه وانا اقول وينه

بأبيات شعره جعل يبطي زواله
ياطروش قولوله ترى محترينه

نشفق على الطيب ونشري قباله
ونقدره ونقدر مرافقينه