جميع القواصيد

المجلس اللي به إسماعيل وسعيد"
"ينعاف لو قربه على الكبد غالي

إسماعيل ماسمته سمت الأجاويد"
"وسعيد ماداجوا عليه الرجالي

غي لك الضمران والفرس ياسعيد"
"ياجعل ما لحماض الأطعاس تالي

ياسعيد هرجك به مغير وتراديد"
"توقر من الهرج الرخيص الجمالي

وحكي على أكناف العذارى مناقيد"
"ولا يطيب الصبيان كود الفعالي

أخاف من جيشٍ كثير المراجيد"
"يضمينا ياسعيد بالإحتمالي

أنا بلاي مزهبين البواريد"
"وأهل السيوف ميتمين العيالي

مابين شمطان اللحا والأواليد"
"نضت عيالٍ فوق مثل السيالي

ياسعيد لو تضرب على دارة الديد"
"بزرقاً تسل الروح بالإشتعالي

بديار مربية البقر مرتع الصيد"
" ماعندك اللي عن أحوالك يسالي

عميت بالسايه جميع القواصيد"
"ماقلت بالشعار طامن وعالي

عميت نمر والمهادي وأبازيد"
"عز الضعن حبس الكمين الهلالي

ومشعان والطيار وعقاب وعبيد"
"وعبدالله المصطور فرز العيالي

والعسكري وهديب ومصيخ ورشيد"
"وحسين حماي الركاب التوالي

وجمل وابن حثلين والفغم وفهيد"
"وعنتر ليا ماعادل الشيل مالي

ورميزان هو والعرفجي مع إبن زيد"
"وساجر مسوي للذلول النعالي

وصعب من الصيداد سقم الأضاديد"
"وإبن سعود سعود راعي العوالي

حتى الشريف اللي يقولون ياسعيد"
"وحاتم بعد معطي العطايا الجزالي

وإبن دعيج اللي كرمته كنها العيد"
"وإبن سمير اللي بقرن الشمالي

وحطاب اللي بالصحن ينفض الغيد"
"وبراك محيي الركاب الهزالي

ومغير وإبن غازي ونومان ياسعيد"
"زبن الحشور اللي إعتلاه الجفالي

وجدعان نحار السمان المصاعيد"
"مودع مع الدعثور مثل الغزالي

وتركي زبون مدللات المثابيد"
"وفهد زبون مجنفرات المفالي

والأشمل اللي من مناه التراديد"
" ومطلق مطبعه بالغدير الزلالي

ربعٍ بهم ياسعيد صدرٍ وتوريد"
"وفهقٍ وتقليط وفتل وفعالي