أدري انه ما يهمك بس جيتك : شوف عينك
منها آسلّم عليك.. و.. منّها آرد اعتباري
يوووه لو تدري.. جهاتي الاربعه - بيني و بينك
كلهم من زود حبك زاحموا فيني يساري !!!
علّموك شلون ترفع راسك و تعْقِد يدينك
ما تشوف إلا عبيد ْوخافقك كله جواري !!
إلتهيت انت ْبغرورك قلت اجل " خله رهينك !! "
خفت لا تكسر كلامي، كافي ٍ فيني انكساري؟؟!!
يوووه يا ذيك المحبة.. وينها.. ويني .. ووينك ؟!
هو صحيح ان المشاعر كل مافيها تجاري !؟؟؟
أنتصر لك فالمحافل لاجل نقهر عاذلينك
وانت . قدام العوااذل تنسحب ما جبت طاري ؟!
ما دريت اني بكيت ولا بكيت إلا لعينك
والمصيبة وش يهوّنها علي لا صرت داري ...!
وين كنت انت الذي لا شفتني يشرق جبينك
ما بقى من ذكرياتك غير تنهيدة نهاري !!
لا تعوّدني صدودك يرحم الله والدينك
كيف يتحمل دلال المترفة عيش الصحاري
كان جالك عِز ّ مني .. ردّه.. الله لايهينك
نفسي ارجع يوم والقى غير ذلِّي فانتظاري !!!!
قلّي وين ألقى دموع ٍ في حياتي ما تدينك؟
إرتكب جرمك ولكن خل موتي باختياري !!
حِسْت ابو التاريخ!! ادوّر عن ولادة ياسمينك
مالقيت الا وداع ٍ فيه ميلاد انتحاري !!!
ادري انه ما يهمك بس جيتك : شوف عينك
جيت بآسلّم عليك.. ورحت من دون اعتباري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين