علام الصدر ضايق يا رفيقي
عسى اللي ضايقك يبلى بغربال
ترى يزداد من نارك حريقي
وخبرك بالمرايه تعكس الفال
تركت الحيّ .. والميّت عشيقي
أجر ّ الصوت بالآهات موّال
ضويت الليل مطفي ٍ بريقي
واشوف الناس لكن دونما اشكال
أنا بنت الوهم كانك شقيقي
خلقنا ربنا نشقى بالآمال
وانا أم الزهر لكن رحيقي
يجي سم ٍ ترى في بعض الأحوال
وش اللي كدَّرك وأصلك عريقي
قبيلة طيب.. لا ماقول رجّال
تشيل الهم كلّه عن طريقي
وانا ماشلت عنّك شي ينشال
مدام انّك سماي ف عز ضيقي
أبصبح لك سما لاضاق لك بال
تبسّم لا تّجهّم يا صديقي
ترى بعض البخت مطلوب لا مال
وأنا بأطلب طلب..لو جف ّ ريقي
تميّل هالعقال ؟.. و يعدَل الحال

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين