الشاعر/طامي بن مهل الرياحي هذه الابيات:
والله ونعم بشاربك يابن شاعي
ياكاسب الامجاد رغم الحسودين
مدحك يليق ولايجيله نزاعي
لاحل ذكرك كل يقول نعمين
سبحان من معطيك تفكيرواعي
وعزما مع الايام مايعرف اللين
من شان ربعك ياحميدالمساعي
تتعب وتبذل لوتحملت للدين
مجدك وطيبك ياطويل الذراعي
واضح ولايحتاج شرح وبراهين
طيبك خذيته من قلوب السباعي
الآد مرزوق الكرام الاصيلين
من البقوم مذللين الشجاعي
لطامة العايل سعوط المجانين
ورديت له
باللآتي :
ارسل سلامى مع هبوب الذعاعي
والا معا طيرخفيف الجناحين
تاصل لطامي من قروم سباعي
آلاد وازع للزوم محسوبين
العزوه اللي في نهار الفزاعي
ماهمهم في القوم لوهم ملايين
وحب الجماعه من زمان الرضاعي
وصية الجدان حين بعد حين
نحافظ عليها ما يجيها ضياعي
وصية الشايب وعماني اثنين
شعوان وشعيان وابوى شاعي
وعندى على ماقول فعل وبراهين
ومهما نسوى ياحميدالمساعي
يبان مثل الكحل لاحط بالعين
مثل العمود اليا ارتكز بالشراعي
يشوفه الادنى وشافوه الاقصين
عبدالله شاعي المرزوقي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.