هنوف الشوق

يا هنوف الشوق صبري تحرقينه
في ضلوعي ... غير يطفيني غرامك

. .
تسكنيني سحر وقلبي تملكينه

لذة العشاق من تهدي ابتسامك
. .

يا هنا حلمٍ بنومك تحلمينه
ويرتوي من منبع الفكر ف منامك

. .
سولعية شوق خصمك تسرقينه

يا قسا نظرتك من تغرس سهامك
. .

يا ربيع العمر وش هو تطلبينه
جاك يحن بساع لو اشر بهامك

. .
كل جمال الغيد أنتي تحبسينه

قصة العشاق في ربطة عصامك
. .

يرتمي لي طيف و أنتي تبعثينه
لو ظهر بدر المسا و أرخا لثامك

. .
تلهبي قلبٍ بهمسك تلهبينه

تحرسك أنفاس من أهدل لجامك
. .

ترتمي عبرات دمع (ن) تكتمينه
من تذوقين إلهنا لحظة هيامك

. .
ينتهي صبر(ن) ف قلبك تحملينه

لو وصلتك تنتهي مدّة صيامك
. .

لو كشفتي حجم شوقي تعذرينه
ترتجّف أوصال من يلمس قوامك

. .
كيف بجني الحب وأنتي تعشقينه

لو غمرتك طاوعت لذة غرامك
عبدالله بن فاهم