انا ما ابدا الكلام الا ابتدي باسم الله الرحمن
ميسر ماتعسر خالق الامه ومحصيها
بدينا واهتدينا بسم خالقنا عضيم الشان
اله العالمين وعالم الدنيا ومافيها
رفيع الشان غفار الخطا للعبد والنسيان
عبادك تستمد بمد جودك وانت واليها
على سنت رسولك ناخذ الحكمه من القران
والنا عادات ماننسى السلوم ولا نخليها
سلوم ثبتوها لنا على صم الصفا الجدان
تورثها الجدود من اول الدنيا لتاليها
وصاتن مانضيعها من الشيبان للشبان
حفضنهاوللي عقبنا حنا نوصلها
عرفنا دين واحد مالنا في باقي الاديان
نعيده كل ركعه فالصلاه الي نصليها
شهادة لااله الا الله هو المعطي هو المنان
وان محمد رسول ا للامه وهاديها
وادا الصلاه الي فرضها الله على الانسان
وحق اموالنا الي الله عطاناها نزكيها
وحج البيت خامس ركن دين وتكتمل الاركان
هذا هو دينا واديان باق الخلق ترضيها
وترا حب الوطن والذود عن حوضه من الا يمان
ليا هبت وشبت نار عدوانه نطفيها
وطاعت ولي امر المسلمين مثبت البنيان
علينا فرض طاعه حاكم الدوله وراعيها
رعاه الله بعينه وحفضه ربي من العدوان
ويسر له اموره فالسواه الي يسويها
اله رين سديد وللشريعه والعدل ميزان
وعدوان الشريعه طول عمره مايدانيها
بسط كف العطا واعطا وزود وفتح البيبان
وخلى الناس من حسناه تسعى مع مساعيها
ليا منه تكلم قال كل المسلمين اخوان
خلافات الشعوب المسلمه دايم يسويها
زعيم المسلمين وقايد القوات في الميدان
كبود يحط فيها السم واكبودن يداويها
ابو متعب ذرا الامه لياجار الزمان وشان
ضلال المسلمين وهو ذراها الي يذريها
واخوه ولي عهده نايبه سلطان
من الحكمه تعيد ابه المياه الى مجاريها
لياقامت تروح وجيه بعض الحاقدين الوان
تشن وتستهين وتشغل العالم وتذيها
بعقل الطيبين يخلص الداين من الديان
يالينن الحقود يشيلها ولا يخليها
رجالن طبعهم مايقبلون الذل والحقران
حما الله قادة الاسلام والدوله واراضيها
عيال الشايب الي مستشاره وخادمه شامان
تباشربه سراحين الفجوج الي يعشيها
على عمليتن حمراءكلايفها حقب وابطان
من المسرح والمرواح بايتن سماريها
يبوجبها الفجوج الخاليه ويحدد الاوطان
ابه ناسن يصابحها وابه ناسن يمسيها
يوزع دعوت التوحيد بيدينه على العربان
لينن الناس ساحت واستراحت من بلاويها
اراح الناس من سفك الدمي ومصادم الفرسان
وخلا البل بمان الله تفلي في مفاليها
حمها من فلان ابن فلان ومن هجاد فلان
وقامت في ذرا شامان تمشي في مشاهيها
هذه موحد الدوله هذه محارب العصيان
عسا مسكانه الجنه وينزل في علاليها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر