شيء بقلبي - أغاريد السعودية

الله حكم يازين بينك وبيني
دعيت ربي واستجاب وسمعها

من عشرتك جفت ينابع حنيني
والنفس ماتقبل عشيرٍ خدعها

حتى النظر ماتقبله فيك عيني
حبال الأمل بيديك قلبي قطعها

حتعيش لو بالحلم طيفك يجيني
معاد تشكي له عيوني جزعها

ومعاد أسولف له بخافي حنيني
هجرك قتلني والضماير مزعها

لاياحسايف مدتي لك يديني
ياليت ربي في ثواني قطعها

مديت يدي لك وأحسبك تبيني
شيء بقلبي لك يديني دفعها

من عقب ماجاء منك لاترتجيني
قلبي عزيزة وعنك نفسي رفعها

© 2024 - موقع الشعر