سكرة الموت.. - عبدالله الهندال

وآنه بجرحي ومنتظر سكرت الموت
صارت دموعي امن العيون اتناثر

شفت الوفى والحب صارولي تابوت
والحوره فوق القبر بلوعة مسافر

تبجي على واتنوح وابخنقت الصوت
تنادي عَبادي بُعد الاحباب كافر

ومن نطقت الاحباب حسيتني مبخوت
بالحوره اللتي في حبها أنا أكابر

متألم ومهموم لأن عمري يفوت
من غير لا أوصل لمغزى الخواطر

ماني متألم عالصلاة صليت بقنوت
متألم على فراق اللتي تسوى الجواهر

اللي بطاريها يزول هم مقموت
وفي قربها ارتاح لكن الحظ عاثر

دايم على بالي في حجيي والسكوت
ومن اذكر بعدنا احزاني اتكاثر

حتى وأنا بجرحي ومنتظر سكرت الموت
ذكرتها وصارت ادموعي اتناثر

© 2024 - موقع الشعر