يمّه

يمّه واذا قلت: يمّه فزّت اوجاعي
أحس في نطقها لّذة مع دموعي

يمّه ترى مابقى منّي سوى اضلاعي
لا والله الا أنا الباقي من ضلوعي

تترتّب ف صفحة الأحزان أوضاعي
ويتبعثر اللي قرى آهات موضوعي

يمّه ترى اطفال حظي ناموا جياعي
مايشبع الهم يمه غير من جوعي

بالأمس كان الزمن لي غضب مطواعي
واليوم حتى أناماني على طوعي !!

لي أصل ثابت ولا قد مال عن قاعي
بس البلا كيف يبْست عالي فروعي

كنت احسب انه فخر لاهبّ ذعذاعي
واثري انخدعت وطفيت بنفسي شموعي!

أرحل من الضيم مالاقيت فّزاعي
وارجع ويبكي على خذلاني رجوعي

كل الغيوم ف حياتي مالها داعي
لاصار لامن حكتماتذكر ربوعي

وحدةوشعروسهر هذي هي انواعي
غربة وفرقا أهلهذي هي جموعي

واللي بسببها لقيت القلب ملتاعي
راحت وصافي سماها يرفض طلوعي

ياذيب الايام جرحي كذبة الراعي
إنهش وناي العمر ماهو ب مسموعي

خسرت بحري قبل لا أخسر شراعي
خسرت عّزي وقبله خاسر خضوعي

من قبل موتي لفتني ونّة الناعي
ومن قبل لا احيا هلكت وجفّ ينبوعي

يمّه ترى رضاك أول واخر اطماعي
لا لا يهمك عذابٍ كسّر ضلوعي

لاصار بّرك هو اجمل شي ف اطباعي
لابدّ في يوم يثمر خير ف جذوعي