سبحانه اللي قاسم كل الارزاق - عبدالعزيز السعود الصباح

يامل قلب هيضه شوف براق
اليا بداله كاشف زاد شوقه

شفته وأنا له بأول الوسم مشتاق
سامر من الجبله تلاعج بروقه

اليا كشف نوه تشوفه له أطباق
مترادم وأقدار ربي تسوقه

اجنب وراح ليمة سهيل ينساق
متخايطه من كل يمه افتوقه

صوت الرعد بمزونها له تنوداق
بأمر الذي يرجي عطاه امخلوقه

سبحانه اللي قاسم كل الأرزاق
من كرمته كل تجيله حقوقه

امر وسيله سابقه في الارهاق
وارخى هماليله صدوق حقوقه

جتك المواتر من وسيعات الآفاق
تمشي بخد حاير الماي فوقه

كل مدح فاله على خير مالاق
يذكر لنا وسيله اعلومه صدوقه

عشرين يوم وعرفجه له تزرناق
تلقا خضاره عامج به ازروقه

تباتلت طيله اشتاها على ساق
سيل على سيل تتابع اطروقه

عشبه تشوفه جامع كل الأرناق
يزها ومايه ناقع في عروقه

ترعى الغنم منه رطيبات الاوراق
وامن الشجر يالليل تقطف اعنوقه

لا روحت حل العشاء له تصعفاق
لجت ولج الها البهم في اربوقه

هجت على الربعه تبي تطبق اطباق
وقام ولها الهادود ينهم ارفوقه

ام وضناها شافته عقب الافراق
وهو بعد شفق لدر يذوقه

تفرقت لعيالها عقب الارفاق
وامسا بهمها داله في غبوقه

تومي اجفيلاته من الدر لي ذاق
طعم الحليب ورغوته في شدوقه

هدب مراييم اصيلات الاعراق
سود لها في شوفة العين لوقه

مالفقوها بالشرايا تلفاق
نقوه وحلال طيبات عموقه

هي شفنا يوم القنص موسمه ضاق
ندله لها والطير نربط اسبوقه

لعاد مافيها مقانيص بعراق
ولا ياسعه بايران خده وضوقه

والجار الخر مانع كل تفاق
مجد بها جعل الولي ما يعوقه

شنو على صيد الخلا حرب الامحاق
ليل وقنص من غيبته لي شروقه

ماغير شيهان من السوق لحاق
عدل الموامي راهي في لحوقه

اقنص بها كني على الصيد مشتاق
اخر زمن والطير يرخص بسوقه

تمت الأضافه بواسطة :
سالم الفروان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر