كــم عنـيـت وجـيـت متـولـه

كم عنيت وجيت متوله
مقصدي يا شيخ روياكم

ماحصل لي حد في الحله
يخبرنيه وين سكناكم

باعني لو كنت مادله
ما اتحمل طول فرقاكم

ليت عندي رقم بسجله
تلفون اقراه وانصاكم

يا أديب العصر لك خله
ما حلت داري ابلياكم

لك محل بالقلب ما حله
من قبلكم حد شرواكم

كم فضل كم جود لك كله
ما نسينا طيب حسناكم

من معادن جود واهل له
لا خلينا من مزاياكم

أنتم أهل له وفضل له
الصخا من يوم منشاكم

لو يطول البحث ما مله
في الادب والشعر هوياكم

كل قول قلت في حله
من معاني الشعر ينعاكم

أنتم أهل الدار والحله
كم خوت من خير دنياكم

ذا يواب امحب متوله
يملكه الاحسان لي ياكم

يشكر الله ثم شكر له
مثل قبله شكرناكم