عشرة الخاين!! - عايد الخرينج

يا حبيبي في دروبك وش لقيت
غير هم ودمع واحزان وتعب

يشهد الله كل درب (ن)به مشيت
يسهل بعيني لو كانه صعب

كنت احبك حب لكنك قسيت
واصبحت دنياي يدور بها التعب

دايم تزعلني وهالمره نويت
وان لقيت النار تزودها حطب

ما بغيت اصارحك لكن بديت
والصراحة صارت بدمك نصب

صرت تحرق قلبي لا منّك بغيت
لين صار القلب من داخل لهب

يا حبيبي ليتك بعمرك وفيت
او خليت من المحامل واللعب

والله لو اموت عمري ما شكيت
من سبايب خل في قلبي رسب

ما تنازل عن شموخي ما حييت
ولا اقول اللي جرح قلبي يحب

الحقيقة قمت اجامل واستحيت
لكن المضمون يا خلي صعب

عشرة الخاين انا منها انتهيت
وما عليه منك لو انك ذهب

© 2024 - موقع الشعر