موازين المحبه

يا وليفي جملة الناس ضيعهم غلاك
لك موازين المحبة رجح ميزانها

لك بقلبي صافي الود ما فيه اشتراك
والدليل دموع عيني عطت برهانها

في الحياة اليوم ما عاد لي هم سواك
لا حسب زود الليالي ولا نقصانها

ينعش الروح العليله ويحييها رجاك
ترجهن والموت قد هو على بيبانها

إتق الله يا اريش العين يوم الله عطاك
لا تشجع ظلم نفسك على خلانها

إرحم النفس الضعيفة وعند الله جزاك
ما غدت في ما يحدك على هجرانها

يا وليفي كل ما راح من عمري فداك
خل دعوانا القديمة على عنوانه

تارك عيرك حزين وماشي في رضاك
والله أعلم ويش يصبح على ختمانها

ليت قلبي ما اعتشق بك وليته ما هواك
جعل سحمة ما يمر الحيا وديانها

ول يا حظ ترديت وين الله رماك
لين ضحت بك ليالي الدهر وأعىانها

بس يا قلبي من الحزن يكفي ما وزاك
لا تضيم النفس زود على حرمانها

تهت يا مسكين ما طعت شور اللي نهاك
طعت نفس والي حكمها شيطانها

إذكر انه قد وطا الناس قبلك ما وطاك
لا تغربلك الليالي بكثر احزانها

خايف دورات الايام تقطع بك رشاك
وكل ساعاتك تغير عليك ألوانها

أول يغليك واليوم يرخص مشتراك
يطلع المكسب لغيرك ولك خسرانها