ليــه ؟!

لـ عاطف الحربي، ، في غير مُحدد

ليــه ؟! - عاطف الحربي

افتح الباب واسمع للعصافير صوت
واحضن الفجْر في صدري واسمي عليه

وآتباشر صباحك صاحبي قبل افوت
عبْر باب ٍ نساني ماعطاني يديه

وآتساءل وانا الغارق ف بحر السكوت :
من ذكر وجهك الغايب ومنهو نسيه ؟!

هو انا بس !! من يقلق عليك ويموت
بين ورد ابتسام امه ومابين اخيه ؟!

مابقا بي مع الايام للصبْر قوت
واسمعك بي تردد : صاااحبي ماعليه

ياسفرنا تطول وتبلع العمر حوت
كم عشانك نبيع اللي نبي نشتريه

من صحينا على ( كانوا ) وهذي البيوت
مابقت مثل ماهي حزننا تحتويه

عن شتا الحال تكفينا هالاشعار كوت
نعْرف الشعر والشاعر والانسان فيه

مانساوم بياضه في سواد البشوت
نرتقي له ونرقا به ولانعتليه

آآآآه كم صارت القلوب الآوادم خبوت
لا عشب روح , لا رحمه ولا حب ليه ؟!؟!

وآتساءل وانا الغارق ف بحر السكوت
والوطن يزرع الاحلام ب يدين تيه :

كيف ابحيا وانا اللي عارف ٍ كيف اموت ؟!
وانت غايب وحاضر في جميع الوجيه !؟

© 2024 - موقع الشعر