اطعن

لـ ضيدان المريخي، ، في غير مُحدد

اطعن - ضيدان المريخي

اطعن بحد العيون السود من قدك
ان كان لك دين خل العين تستافي

ماهو غريب عليك ولا علي ودك
كثرت في الطعون ورحت متعافي

تاخذك الايام وتوديك وتردك
يخونك الوقت وتعود علي الوافي

ياطول ركضي وراك وياكثر صدك
ماكنك اللي سلبت العقل ياكافي

محلك القلب كان ان الغلا شدك
من غفلة الشوق صح النوم ياغافي

اخر علومك يقولون الجفا حدك
وشلون دليت درب الوصل ياجافي

هذي هي اوراق شعري تحتري ندك
من غيبتك والدفاتر بيض وعجافي

كانك علي الشوفه اللي شفت من جدك
يا كبر فرحتك لو تدري عن الخافي

تاكد ان المشاعر ما تقف ضدك
لا خانها البرد ترجي صوتك الدافي

لو راح بي جزر غيرك جابني مدك
لا هب طاريك بشراعي ومجدافي

تشوقني لا لبست من الوفا قدك
مالي عذر عن وفاك وزينك الصافي

الليل قطعت سواد ولا كسا خدك
والشمس ما غيرت من ليلك الضافي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر