السريه هي السريه - ضيدان المريخي

ياتركي العشق مالي علم في سوقه
ما عاد لي فيه لا بيعه ولا شريه

لو يعترض لي خيار الصيد (ماحوقه)
تخيطت كبدي اللي قبل منفريه

خاويت لي واحد ٍ حلفت ما بوقه
سريت مسراه والسريه هي السريه

جودت قلبه وتليته بمعلوقه
هايم وحاله من الاشواق منبريه

والوادي اللي نباته طال زملوقه
وش ينبغى فيه يوم انه نبت شريه

لو كان ثوبه خضار وتسبح عروقه
ما يغري العين حتى لو لبس زريه

لو ان غر السحايب تنتثر فوقه
ماني بظاميه لو ماينتهي جريه

تمت الإضافة بواسطة : منيرة العبسي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر