المدح تفخر به جميع القبايل

المدح تفخر به جميع القبايل
لكن بالعجمان يفخر ويختال
قومٍ موفقةٍ لكسب النفايل
وايمانهم دايم عليّات وطوال
منصا العلوم معربين السلايل
قومٍ تبيع الروح وتنفد المال
علومهم للناس فيها دلايل
وافعالهم دايم جسيمات وجزال
حريبهم منهم يشوف الهوايل
ويخضع لهم راسٍ على غيرهم طال
ويوم المثارا يبردون الغلايل
وطليبهم يدرك ولو دونه جبال
في كل مادٍ يكسبون الاوايل
وشوحاتهم ماطالها كل رجال
ميقافهم يعرف نهار الصمايل
وتاريخهم مافيه تشكيك وجدال
واليوم انا في دار وافي الخصايل
راعي المكارم كلها جزل الافعال
القرم ابن شلحاط منصا الحمايل
الي عليه يسنّد الحمل لامال
حضرت اشارك كاسبين الجمايل
الي بسمعتهم يغيضون الانذال
لافي ولد فاضي جزيل الفعايل
زحلٍ بوقفاته يخفن الاحمال
الي له يشدون فوق الرحايل
ويحيي الغصون اليابسه عقب الامحال
واخوه نايف للنواميس نايل
تنشر له البيضا على روس الاقذال
عيال بن عجوين زهو المثايل
الي بشرواهم يصاغن الامثال
وصلاة ربي عد وبل المخايل
على شفيع الخلق في يوم الاهوال
الشاعر/يوسف العضياني