نصيحة وفاء أخَوِيْة ..

هاك الكلام ياصاحبي وأقره
هديةٍ مابغى وراها جِزيه

عيب الرَجل ماهوب أبفقره
عيبه لاقام أيدور للعطيه

أزرع جميلك يبقى لك عطره
حتى لارحلت ذِكراه حيْه

قّوْ أعزومك ولاتِهل العَبره
لامِن جاك مِن قريبك كيْه

خَل الزمان أيدرسَه العِبره
ثم أيجيك نادمٍ طّيْب النيْه

وأحذر تذمه في حين ذِكره
لاتنساه وعطه ذرة مجهليه

وكانه دايمٍ للأقدام جمره
أقطع يدٍ مامنها حميه

تراها ماكل لقمةٍ تمره
ولاكلٍ يشبِه بيْه وخيْه

أوزلة الغريب مره أوكَره
وأنتا تدمح أعلومه الرديْه

ماوالله على فرقاه حسره
طريقٍ جابه يبعد مَن زيْه

الناس يشره عليها وتشره
فيها خير ومنها تلقى مشَرِيْه

أرضاها غايةٍ مابها مَضَره
ولايهمك زعلها أبغير شيْه

والطّيْب خاطره أحذر كسره
جرحه تراه ياخوك خطِيْه

وبالك لايجيه منك عثره
أحفظ ألسانك من كل سيْه

تراه مثلنا يحس ويكره
وخلك قصرٍ له ظِل وفَيْه

والأدمي لا ماعرف قْدره
عيبٍ أتقدم له الشاذليْه

ماقول أنا عالم فائق الخبره
وماشَعَرّت أبي الأعجاب فِيْه

لكن أبخاطري قطفت ثمره
شذاها نصيحة وفاء أخََوِِيْْه