ملامح قصيدة

طال انتظاري.. وانشغالي تداريه
اشجان قلبٍ في مداها بعيدة

ان شاف صورة في غيابك تواسيه
من صورتك تبدأ.. ملامح قصيده

اكتب قصيدي والمشاعر .. تغنّيه
وارسم بعطر الوجد لوحة جديدة

احلى الاماني.. موعد الشوق غاليه
لحظة حضورك للسعادة تعيده

يشرق وجودي فيك يا اجمل معانيه
ميزة حنانك يا حبيبي.. فريدة

يغليك قلب صرت بالحب واليه
ومن يوم حس بلهفتك صرت سيده

لا ما نسيتك .. واول الحب تاليه
ذكراك نبضي .. والمحبة وريده

تعال سامر يا وليفي لياليه
وصر .. في نهاره كل فرحة شريدة