ذاكر المعروف

إذا الذكرى غدت حلمي ملاذي واروع اوراقي
ابثني للزمن وصلك رغم فرقاك بالتقدير

ولا باقي سوى حبر (ن) يخط القاف باشواقي
ولا ميت رغم موته ذكركم باسهل التعبير

ولا شمس (ن) تبي ظلك دفعها وقت الاشراقي
تريث واقبل ابياتي عساها تخلق التأثير

عليكم لو بدى مني نهاية عصرك الباقي
ترى مقطع جزى وقتك لو امدح ينقص التفسير

ابكتب لو عواذلنا عجبهم متعة فراقي
انا والله من طيبك لو ارسم عندي التبرير

انا والله يكفيني لو اني غبت تشتاقي
وانا ادري للسجين احلام تحقق لحظة التحرير

مطرنا مرر أشواقه حوى خير(ن) وبراقي
وانا ودي إذا ودك تشاهد متعة التمرير

تذكر طيبة أمواجك حنان مات بغراقي
تبيني أنسى...يا كيف أنسى وأبيع الزود بالتقصير

صفاتك ذوق للشيمة إذا بالشيمة اذواقي
وغلاتك شوق للوافي إذا كان الوفا تصوير

ألا يا ذاكر المعروف قلبي للوفا باقي
ولا خير(ن) بهاالدنيا.....إذا كان الهوى تحذير

ترى من ينكر العشرة بليد شعور سراقي
وترى من يذكر العشره صفاته تشمل التقدير