لـقـيت بـالـغـربـة فـوايـد كـثـيـره - عبدالرحمن الجربوع

لقيت بالغربة فوايد كثيره
فيها فوايد تكشف الناس وتْبِين

تعرِف بها صاحبْك وتْشوف خيره
وتدري من الصّامد ومن هو بيلين

المقبِله تفرق عن المستدِيره
والصّاحب الصّادق عمَار الدواوِين

يا مسندِي والبعد فيه البصِيره
يجْلي عمى القلب الشقي والمضامين

كم واجهتْ نفسي ظروفٍ عسِيره
ما كنّها إلّا امْتحانِ الموازِين

واللّي معانا فاللّيالي المريره
نشيل قدْره بأسْوَدِ العيْن ونعِين

© 2026 - موقع الشعر